CEBU CITY-Gidaog sa Pasayaw Festival of Canlaon City ang Grand Ritual Showdown sa Free Interpretation na gipahigayon sa Cebu South Road Properties niadtong Dominggo, Enero 21, 2024.
Nadepensahan usab sa Pasayaw Festival of Canlaon City ang ilang titulo isipBest in Custome sa Free Interpretation Category, Champion sa Best in Musicalitiy ug 2nd Place sa Street Dancing Category alang sa gipahigayon nga Sinulog Festival.
Gipildi niini ang laing 8 ka mga contingents sa Free Interpretation gikan sa nagkalain-laing lungsod, component cities, ug highly urbanized cities sa Sugbo.
Gibutyag sa Mayor sa Canlaon City na si Mayor Jose Chubasco Cardenas, nga dako iyahang kalipay tungod kay kini usa ka “dream come true” sa tanan nga Canlaonians ug “dream come true” sa deboto sa mga katoliko pinaagi ni Sr. Sto. Niño.
Matod ni Cardenas, masigarbuhon ang tanan nga katawhan sa syudad sa Canlaon diin daghan ang nag post sa social media ug adunay gamay nga pagsalo-salo alang sa ilahang kadaugan.
Gidugang ni Cardenas nga kini ang unang higayon nga ni-apil sila sa maong Sinulog Festival sa dakbayan sa Sugbo.
Kini hinungdan kay kinahanglan andaman ug maayo tungod kay gusto nila nga ipasigarbo sa ilahang syudad og probinsya ang ilahang gipasundayag.
Matod ni Cardenas, dako nga tabang ang matang sa ilahang pagpangandam, dili lang sa budget, apil na usab ang agency nga kinahanglang i-tap.
Tungod kay unang higayon kini nga mosalmot, gusto sa Mayor nga muhatag ug dakong epekto nga dili kwestyonable ang ilahang pagkadaog ilabi na nga mag tigi sila sa mga hanas na kaayo nga mga contingent sa dakbayan.
