CEBU-Nagmalampuson ang gipahigayong Pasigarbo sa Sugbo 2024 kagahapong adlawa sa Dominggo, Agosto 25 sa Cebu City Sports Center diin sa 52 ka mga perfomances lakip na niini ang guest performace sa Sinulog Festival sa dakbayan sa Sugbo arun ipakita ang ilang mabulukong pasundayag nga nagpakita sa ilang nagkadaiyang kultural nga kapistahan.
Ang maong kapistahan gipasiugdahan ni Cebu Provincial Governor Gwendolyn Garcia ug ni Cebu City Acting Mayor Raymond Alvin Garcia uban sa pipila ka mga dagkong bisita ilabi na nilang Boy Abunda, kinsa giilang “Nation’s King of Talk” ug ni Karen Davilla nga iladong Broadcast Journalist sa kaulohan nga pulos miyembro sa board of judges.
Mipadayag si Department of Tourism Secretary Maria Esperanza Christina Garcia Frasco sa iyang kinasing-kasing nga pagdayeg tungod sa pagsaksi ug mibalik sa Sugbo arun personal nga makita ang mga pasundayag.
Mapasigarbuhon usab kini nga gipaambit nga usa ang Cebu nga usa sa mga “strongest pillars” sa tourism industry tungod sa natural nga destinasyon, kultura, ingon man ang gugma ug kalig-on sa mga Sugboanon.
Ingon man nga malampusong nalangkat sa Dagitab Festival sa dakbayan sa Naga ang Pasigarbo sa Sugbo 2024 ritual showdown human sa ilang gipakita nga kaanindot sa ilang lugar nga maoy nakaagni sa mga mata sa judges.
Gisundan sa Sugat sa Kabanhawan Festival sa dakbayan sa Minglanilla nga mao’y nakalangkat sa Pasigarbo sa Sugbo 2023.
Nakuha usab sa Lapu-Lapu City ang ikatulong pwesto sa ilang unang higayon nga pagsalmot sa kalihokan ug ingon man ang 1st runner up sa Festival Queen ug ikaduhang pwesto sa introduction.
Anaa sa ika-upat ang Carcar City’s Kabkaban Festival; ikalima ang Madridejos’ Isda Festival; ika-unom ang Mandaue City’s Panagtagbo Festival; ika-pito ang Borbon’s Tuba Festival; ika-walo ang San Fernando’s Sikoy-Sikoy Festival; ika-siyam ang Liloan’s Rosquillos Festival ug Toledo City’s Hinulawan Festival; ika-napulo ang Argao’s La Torta Festival; 11th place – Moalboal’s Kagasangan Festival; 12th place – Consolacion’s Sarok Festival; 13th place – Tudela’s Katunggan Festival ug Alegria’s Que Alegre Festival; 14th place – Badian’s Banig Festival; ug ang ulahing puwesto nga tie mao ang Tuburan’s Tubod Festival ug Sibonga’s Bonga Festival.
Samtang sa Street dancing nalangkat sa Carcar City’s Kabkaban Festival ang unang pwesto, gisundan sa Liloan’s Rosquillos Festival, ikatulo ang Barili’s Panumod Festival, ika-upat ang Consolacion’s Sarok Festival ug ang ikalima mao ang Poro’s Panagbagat Festival.
