CEBU CITY-Sugdan na karong adlawa ang gitanyag nga “festival of all festivals”, ang Pasigarbo sa Sugo 2024.
Karong adlawa sa Dominggo Agosto 25, ipahigayon ang street dance showdown sa dalan Osmeña Boulevard ug ang grand ritual showdown sa Cebu City Sports Center.
Sa sunod nga adlaw sa Lunes Agosto 26, ipahigayon sab ang awarding ceremony sa tanang mananaug sa lain-lain kategorya sama nalang sa ‘Best Festival Queen” ug sa “Grand Winner”.
Giilang karong tuiga sa edisyon sa Pasigarbo ang labing pinakadako sa hisgutanang mga contigents nga adunay 52 kabuok apil na ang guest performance sa dakbayan sa Sugbo sa interpretation ini sa Sinulog Festival.
Ingon man sa hisgutanang budget nga mukabat sa kapin P200-milyones ang gigahin sa Kapitolyo apil na sa operating cost ug sa mga subsidies ini sa matag lungsod ug dakbaya nga musalmot sa pasundayag.
Sa laing bahin, ang Kapitolyo nigamit usab og bag-ong supplier alang sa mga lights ug sound system niini nunot sa mga technical glitches nga nakadaot sa Pasigarbo niadtong 2023 sa dakbayan sa Carcar.//
Nagtumong kini sa tinguha sa kagamhanang lalawigan sa pagpahimsog sa kultura sa matag lungsod ug dakbayan sa Sugbo ug ingon man sa local nga ekonomiya.
