CEBU CITY-Pasangil nga team building, nasakpan sa asawa nga nisulod sa usa sa ka motel nga nahimutang sa dalan sa Gorordo, Barangay Lahug, dakbayan sa Sugbo.
Matod pa sa tinubdan, kinsang nihangyo nga dili nganlan, niingon nga ang gipananghid sa iyahang asawa nga adunay team building activity ang kompanya, apan wala kini nahimutang ug gisundan sa mismong lugar pinaagi sa pagbutang sa tracking device sa motor niini.
Sa dihang nasayran nga misulod sa usa ka motel, midangop dayon kini sa buhatan sa mga kapulisan arun masikop ug mahatagan sa saktong silot ang iyahang asawa ug ang kuyog niini nga babaye.
Nasayran nga usa ka team leader sa call center company ang nadakpan uban ang ‘workmate’, ang giingon nga kalihukan, lain diay ang gi-build.
Tungod mirespondi dayon ang mga sakop sa Investigation and Detective Management Unit sa Cebu City Police Office sa motel nga gicheck-innan sa iyang bana ug sa kabit niini ug didto ilang naabtan.
Sa pagkakaron, gipasakaan na og kaso sa Abellana Police Station 2 lakip na ang gituohang kabit niini.
