CEBU – Gibanhigan patay ang usa ka lalaki sa wala mailhing mamumuno samtang padulong na kini sulod sa Deca Homes Subdivision diin nahitabo sa Barangay Tipolo, dakbayan sa Mandaue pasado alas 9 sa kabuntagon.
Ang biktima giila nga si Ervin Dunjill Inocando, 29 anyos ang panuigon ug nagpuyo sa naasoy nga subdidivision sa dakbayan sa Mandaue.
Ang biktima nagmaneho ug usa ka suzuki presso,color orange ug adunay plate number nga GAV 1865.
Matod pa sa mga nakakita ug sa CCTV footage nga nakuha, ang biktima padung na unta sulod sa subdivision apan gituparan kinig riding in tandem ug gipabuthan sa makadaghang higayon.
Gani nakagawas pa sa sakyanan ug nakadagan pa ang maong biktima pabalik sa agianan apan gigukod kinis mga suspetsado ug adto na kini gitiwasan ug nahagba atubangan sa usa ka bangko.
Sa nahitabong pagbanhig patay , ang riding in tandem puros naghelmet hinungdan nga padayun pang gesuta sa imbistigadaor ang hinungdan ug si kinsa ang nagbanhig patay sa naasoyng biktima.
