CEBU CITY – Giangkon sa Provincial Disaster Risk Reduction and Management Office nga aduna na la’y gamay nga tsansa nga may kinabuhi pa ilawum sa midahili nga yuta sa Sitio Sindulan, Barangay Tinaan, dakbayan sa Naga, probinsiya sa Sugbo.
Matud ni PDRRMO head Baltazar Tribunalo nga sa ikaupat nga adlaw sa ilahang search and rescue operation, gamay na lang ang tsansa nga aduna pa’y buhi ilawum sa yuta.
Kini bisan pa man nga aduna sila’y na detect nga heartbeat ilawum sa yuta gamit ang thermal scanner.
Gipasabut ni Tribunalo nga gumikan sa gidugayon sa panahon nga nalubong sa yuta ang mga tawu hinungdan nga imposibli nang aduna pa’y nabuhi sa ilawum apan giklaru niini nga wala sila mawagtangi ug paglaum nga aduna pa sila’y buhi nga makuykuyan.
Basi usab sa katapusang datos, misaka na sa 46 ang natala nga patay sa landslide, dili mu ubus sa 40 ang missing ug kapin 2,000 ka mga indibidwal ang anaa sa evacuation.
