Gilauman nga maabot sa Pilipinas ang patayng lawas sa 3 ka mga overseas Filipino workers (OFWs) nga namatay sa sunog nga nahitabo sa Al-Mangaf, Kuwait City. Kuwait.
Sa kamandoan ni Presidente Ferdinand R. Marcos Jr., ang nagkalain-laing ahensya sa gobyerno naglihok sa daling panahon alang sa pagpauli sa mga biktima.
Ingon man nga pinaagi sa pagtinabangay sa Department of Foreign Affairs (DFA), Department of Migrant Workers (DMW), ug Overseas Workers Welfare Administration (OWWA), gilauman nga moabot kini karong hapon, Hunyo 17 ning tuiga.
Nimando usab si OWWA Administrator Arnell Ignacio sa Kuwait Post sa pag-atiman sa tanang gikinahanglang mga dokumento alang sa dali nga pagpauli sa mga patayng lawas sa tulo ka OFWs.
Samtang ang Regional Welfare Offices sa OWWA nakig-alayon usab sa mga kabanay aron mahatagan dayon sila og tabang ug suporta.
