CEBU CITY – Dili na mahitsura ang lawas sa nakaplagan nga babae nag nag-utaw-utaw sa kadagatan sa Escalante Negros Occidental.
Giila ang maong babae nga si Laurita Cabag Brgy. Cambayugo Banwa Calatrava Negros Occidental gibana-bana nga anaa sa 50-60 na ang pangidaron.
Matud sa hepe sa Escalante Police Station nga si PCI Rolly Puntavilla nga ang maong tigulang usa ka mang-uuma ug mitabok og suba.
Giingong wala kini nakabantay nga mikalit pag-unos ug mibaha hinungdan nga naanod ang maong tigulang.
Tungod kay dili naman makuha sa mga bantay dagat ang lawas sa babae kung kini girahon lang tungod kay anaa na kini sa state of decomposition, ila nalang kini nga gigamitan og pukot aron nga makuha ang maong babae.
Dali hinoon nga na-claim sa pamilya ang patayng lawas sa maong misis.
Nasayran nga daling mikatap ang maong balita sa pagtuo nga mao na kini ang hapit na usa ka buwan nga gipangita nga lawas ni Bien Unido Mayor Gisela Boniel.
