QATAR-Gilubong na sa Qatar ang patayng lawas sa napatay nga Hamas political leader nga si Ismail Haniyeh.
Sa wala pa kini, ang mga seremonyas sa lubong gikatakda nga ipahigayon sa Imam Muhammad bin Abdul Wahhab mosque, ug ang patayng lawas ni Haniyeh gilubong sa sementeryo sa Lusail, amihanan sa Qatari capital.
Gipili ang Qatar tungod kay nagpuyo siya sa Doha kauban ang ubang mga miyembro sa Hamas political office.
Gikahadlokan karon nga ang gubat tali sa Israel ug Hamas mahimong moresulta sa kaylap nga panagbangi sa Middle East tungod sa pagpatay sa lider sa Hamas.
Samtang, sa panig sa Amerika, gikonsiderar ni US President Joe Biden ang pagpatay sa lider sa Hamas nga dili makatabang alang sa usa ka posible nga kasabutan sa ceasefire ug nagpahayag og kabalaka sa nagkadako nga tensyon sa rehiyon human ang Iran Supreme leader misaad nga ilang ipanimalos ang kamatayon sa ilang kaalyado nga mga lider sa Hamas sa ilang kaugalingong yuta.
Si Haniyeh ang ikatulo nga senior nga opisyal sa mga militanteng Hamas nga gipaluyohan sa Iran nga gipatay sa bag-ohay nga mga semana.
Gipatay siya sa kapital sa Iran nga Tehran gamit ang usa ka explosive device nga gibasol sa Israel.
