MANDAUE CITY, CEBU-Nakaplagan nga naglutaw-lutaw ang usa ka patayng lawas sa lalaki ilawom sa Marcelo Fernan bridge 2nd bridge sa Brgy.Umapad, dakbayan sa Mandaue kaganihang alas 7:00 sa buntag.
Kung diin ang mga sakop sa kapulisan nakadawat ug tawag gikan sa Center for Anti-Transnational Organized Crime (CTOC) nga nagpahibalo bahin sa patay nga nakit-an sa maong dapit alas 6:30 sa buntag.
Subay niini dali nilang girespondihan sa mga personahe ang nahisgutang lugar og pag-abot sa naasoy nga dapit,naglutaw pa ang maong patay nga lawas sa tunga sa dagat, hinungdan nga gipahigayon dayon ang retrieval operation.
Ang patay’ng lawas gi-turn over sa mga personahe sa Mandaue City Disaster Risk Reduction and Management Office ngadto sa Scene of the Crime Operatives sa Philippine National Police alang sa dugang imbestigasyon samtang padayon pa nga gi-ila ang maong patayng lawas.
