Cebu City– Mag atubang og kasong murder ug serious physical injury ang atubangon ni Bohol Provincial Board member Rey Nino Boniel, ang gitudlo nga mastermind sa pagkidnap ug pagpatay sa asawa niini nga si Bien Unido Bohol Mayor Gisela Bendong Boniel ug pagpangulata usab sa higala niini nga si Angela Leyson.
Matud ni PRO7 Director Police Chief Supt. Noli Taliño nga basi sa impormasyon nga nakuha sa kapulisan, positibo nga gitumbok sa witness nga si Angela si Board member Boniel uban ang 6-8 niini nga mga tawo ang misulod sda lawak nga ilang giabangan sa usa ka dive camp sa Bien Unido niadtong Hunyo 7 sa kaadlawon. Matud pa sa witness nga gikulata sila sa mga tawo ni boardmember hinungdan nga nagpakiluoy si Mayor Boniel sa bana niini nga dili lang siya apilon sanglit duna pa siyay gamay nga anak. Gipugos matud pa nga gibyahe padung sa Tubigon port ang mag-inahan ng Leyson.
Dugang pa ni Talino nga mitug-an kaniya si Board member Boniel nga napusilan sa iyang tawo si Mayor Boniel una kini gisakay sa usa ka bangka.
Sa pagkakaron gisubay pa sa mga otoridad ang kadagatan nga sakop sa Punta Engano sa dakbayan sa lapulapu ang lawas sa Mayor. Tulo ka anggulo karon ang gitan-aw nga anggulo sa mga kapulisan diin gilangkuban kini sa problema sa pamilya, problema sa kwarta ug third party.
Nasayran nga usa ka piloto si Mayor Gisela Boniel una kini nisulod sa pulitika aron pulihan ang iyang bana human nga nahuman na ang termino niini sa pagka mayor sa Bien Unido niadtong May 2016. Gihatagan pa kini og Certificate of Commendation sa Philippines Air Asia niadtong Hunyo 2016 human nga luwas niini nga napatugpa ang eroplano gikan sa Manila paingon sa Cebu bisan pa man usa nalang ka engine ang nag-andar
