CEBU CITY – Mo-resume sa Setyembre 1, 2021 ang suspended 2021 Philippine Cup sa Don Honorio Ventura State University (DHVSU) Gym sa Bacolor, Pampanga.
Paga-atangan unya ang triple-header game diin ang unang duwa kay Blackwater Bossing versus TNT Tropang Giga sa 12:30 sa udto; samtang sundan kini sa panagsangka sa Terrafirma Dyip ug San Miguel Beermen sa alas 3:00 sa hapon.
Unyang alas 6:00 sa gabie ang panagbangga sa Meralco Bolts ug Magnolia Pambansang Manok Hotshots.
Sa wala pa niini, gibutyag ni PBA commissioner Willie Marcial nga mopaubos ang tanang miyembro sa matag team sa RT-PCR tests matag pito ka adlaw.
Samtang, kinahanglan mokuha og antigen test ang matag team sa dili pa ang ilang scheduled game.
Sa laing bahin, mopagawas nalang ang PBA og schedule sa games matag semana kay nag-agad kini sa mga resulta sa COVID-19 test.
Kung mahinumdoman nga nahunong ang liga niadtung nakalabay buwan tungod sa pagsaka sa kaso sa COVID-19 sa National Capital Region (NCR).
Diin, napahigayun kiniadto ang mga games sa Ynares Sports Arena sa Pasig City.// EKP
