Temporaryong nakagawas si PBA player nga si John Amores ug ang iyang igsuon human kini makapyansa.
Ang managsuong Amores nag-atubang og reklamong attempted homicide sa Lumban municipal trial court diin si Amores nibayad og P24,000 samtang ang iyang igsuon nibayad og P10,000.
Unang misurrender ang managsuon niadtong Huwebes sa buntag human nalambigit sa pagpamusil niadtong Miyerkules tungod sa away sa pagpusta sa basketball.
Nakita sa CCTV nga gigukod ug gipusil sa managsuon ang biktima nga giilang si Lee Calcada samtang sakay sa motorsiklo.
Wala nasamdan ang biktima apan desidido ang pamilya niini nga mopasaka og kaso batok sa akusado nga suspek.
Si Police Major Bob Ordiz sa Lumban Police nipasabot nga bisan og negatibo sa gunpowder residue si Amores, nakalingkawas siya sa pagpamusil tungod kay aduna pay laing hinungdan nganong wala siya’y gun nitrate sa iyang kamot.
Giktakda ang arraignment ug pre-trial sa kaso sa mga igsoon sa umaabot nga Disyembre 4.
