Emosyonal nga gi-awhag ni Presidente Ferdinand R. Marcos Jr. ang gobyerno ug ang publiko sa paghimo og kolektibong aksyon ug pagpaningkamot sa pagwagtang sa mga kaso sa Online Sexual Abuse and Exploitation of Children (OSAEC).
Sa iyang pakigpulong atol sa “iisang Nasyon, iisang Aksyon: Tapusin ang Online Sexual Abuse or Exploitation of Children (OSAEC) Ngayon Summit 2024” sa Makati City, gipasiugda ni Presidente Marcos ang panginahanglan sa gobyerno nga palig-onon ang mga paningkamot batok sa sexual exploitation sa mga bata online.
Gani samtang gibuhian ang mga pulong adunay mitagak nga luha sa iyang mga mata tungod kay nakabatyag kini og kaulaw human gitugutan nga mahitabo sa nasud ang maong mga matang, ingon man nga isip anaa sa serbisyo publiko.
Samot kini nga nahimong emosyonal human nadunggan ang mga istorya sa biktima sa OSAEC ug sa pag-antos nga iyang naagian.
Bisan pa sa mga kaso sa OSAEC sa Pilipinas, giila ni Presidente Marcos ang mga agresibong aksyon sa mga summit organizers Department of Justice – Inter-Agency Council Against Trafficking ug ang Department of the Interior and Local Government, uban sa International Justice Mission.
Ubos sa Bagong Pilipinas (Bag-ong Pilipinas), si Presidente Marcos miingon nga ang gobyerno magpadayon sa pagpanalipod sa mga bata ug misaad sa paggukod sa responsable sa mga kaso sa OSAEC.
