Giawhag sa pipila ka grupo nga kinahanglang pugngan ni Presidente Ferdinand Marcos Jr. ang Kongreso gikan sa paghimog ehekutibo o tago nga session sa wala pa ang gipaabot nga livestreaming sa bicam o bicameral conference discussions ngadto sa 2026 nga nasudnong badyet.
Kahinumdoman nga si Marcos kaniadtong Miyerkules mibutyag nga aduna kini kasabutan sa mga leader sa kongreso nga i-livestream ang makasaysayanon nga sekreto nga mga proseso sa bicameral conference committee, nga gilauman nga mag-uli sa magkalainlain nga bersyon sa 2026 nga nasudnon nga badyet sa ubos balay balauranan ug sa Senado.
Nahitabo ang lakang sa Presidente human ang pipila ka mga magbabalaod ug civil society groups nanawagan sa Kongreso nga himoong bukas sa publiko ang bicam pinaagi sa livestreaming sa tigom sa mga piniling miyembro sa duha ka mga kamara.
Nagpadayag usab pinaagi sa mga pagdungog sa Kongreso nga ang pagsal-ot sa budget, nga giingong gisugyot atol sa mga sesyon sa bicam, nahimong instrumento sa pay-off scheme diin binilyon ka pesos nga kantidad sa pundo alang sa mga programa sa flood relief ang giingong nabulsa.
Matud sa Social Watch Philippines, nga dugay na nga nagpasiugda sa paghimo sa mga miting sa bicam nga bukas sa publiko, miingon nga kinahanglan nga mandoan ni Marcos ang Kongreso nga “limitahan ang mga sesyon sa bicam aron masulbad ang mga kalahian tali sa mga bersyon sa badyet sa House ug Senado.
Gipasidan-an niini nga ang bicam “nakaangkon og reputasyon isip usa ka ‘third chamber’ diin ang mga bag-ong budget items gisulod nga walay deliberasyon nga gipahigayon.
