Gipasalig ni Presidente Ferdinand Marcos Jr. nga ang Pilipinas nagpabiling lig-on sa pagtuman sa balaod ug tawhanong katungod, nga mao ang pundasyon sa malungtarong kalinaw, seguridad, ug kalamboan sa kalibutan.
Gihimo sa Presidente ang iyang pamahayag sa iyang pakigpulong sa UN General Assembly nga gipahigayon sa UN Headquarters sa New York.
Gipasiugda ni Presidente Marcos nga ang pagkamiyembro sa nasud sa United Nations, 80 ka tuig na ang milabay, gibase sa pagtuo nga ang balaod ang angay nga mogiya sa internasyonal nga relasyon.
Sigon sa Chief Executive nga ang Pilipinas nagpadayon sa pagsunod sa multilateralism, sa UN Charter, ug sa United Nations Convention on the Law of the Sea.
Gidugang sa Presidente nga ang nasud nagpabilin nga komitado sa diplomasya ug sa malinawong pagsulbad sa mga panaglalis, samtang gitahod ang soberanya, integridad, ug patas nga katungod sa tanang estado.
Mibutyag kini nga sa walo ka dekada nga pagkamiyembro sa Pilipinas sa UN, ang Pilipinas kanunay nga mitubag sa mga panawagan sa organisasyon, nga nagpakita sa lig-on nga suporta niini alang sa internasyonal nga kalinaw ug seguridad.
