Gipaambit ni Presidente Ferdinand R. Marcos Jr. atubangan sa 21st International Institute for Strategic Studies (IISS) Shangri-La Dialogue nga ang kadagatan sa West Philippine Sea makonsiderar nga kinabuhi sa matag Pilipino.
Kini human gipahibawo sa Presidente nga dili niya biyaan ang bisan usa ka pulgada sa katungod ug hurisdiksyon sa nasod sa West Philippine Sea (WPS).
Sa iyang keynote address, si President Marcos mipasalig sa mga partisipante sa dayalogo nga dili siya motugot ni bisan kinsa nga tangtangon ang West Philippine Sea gikan sa maritime domain nga naglangkob sa nasud sa Pilipinas.
Ang Hepe Ehekutibo nipahibawo nga isip Presidente nanumpa siya nga sukad sa iyang paglingkod sa katungdanan wala na siyay intensyon nga biyaan ang away sa teritoryo sa nasud.
Una nang, gipasalig sa gobyerno nga protektahan niini ang mga mangingisda batok sa bullying ug harassment sa China.
