Gimando ni Presidente Ferdinand Marcos Jr. ang hingpit nga pagpatuman sa Sagip Saka Act.
Kini nahitabo human gipirmahan sa Presidente ang Executive Order No. 101 aron masiguro ang mas taas nga produksiyon sa pagkaon, lig-on nga presyo, ug mas maayong panginabuhian sa mga mag-uuma ug mangingisda.
Ubos sa EO 101, ang tanang ahensya sa gobyerno, GOCCs, SUCs, ug LGUs gimandoan sa hingpit nga pagpatuman sa Sagip Saka Act (RA 11321), nga nagtumong sa pagpalambo sa mga negosyo sa agrikultura ug pangisda pinaagi sa pagbansay, suporta sa merkado, ug direktang pagpalit sa mga produkto gikan sa mga kooperatiba sa mga mag-uuma ug mangingisda.
Gimandoan usab sa EO ang Department of Agriculture nga magtukod og Sagip Saka Desks sa mga rehiyon aron magsilbing sentro sa impormasyon ug koordinasyon.
Sumala sa Chief Executive, kini usa ka mahinungdanon nga lakang aron makunhuran ang kakabus sa sektor sa agrikultura ug pangisda, ug masiguro ang mas lig-on nga suplay sa pagkaon ug mas inklusibo nga pagtubo sa mga rural nga lugar.
