Gisaway ni Presidente Ferdinand Marcos Jr., ang ubang mga kandidato nga magpapili sa umaabot nga piniliay atol sa Senate Slate sa Alyansa para sa Bagong Pilipinas nga gipahigayon sa Laoag Centennial Arena.
Ingon man nga gi-kompara niini ang iyang gipasiugda nga mga senatorial candidates ngadto sa ubang mga nidagan nga daw ang uban kay igo lang nga nagdeliver og suka kay gihatagan og certificate of candidacy.
Usa kini sa iyang mga gikatingad-an tungod kay kung itandi kini sa iyang line-up, daw layo kini sa kamatuoran nga hinog na sa pagpanerbisyong publiko.
Gawas sa maong pasingit kay aduna pa’y daghan nga mga pulong ang gibuhian sa Presidente ug giingong batok kini sa pikas grupo.
Sama sa walay bisan usa sa iyang pambato nga adunay ‘bahid ng dugo’ panahon sa tokhang, walay bisan usa nga nalambigit sa pagpangbulsa sa mga sinako nga kwarta niadtong panahon sa Pandemya nga miresulta sa katawhang Pilipino nga daghan ang nasakit ug namatay.
Ingon man nga walay bisan usa nga nipakpak sa mga China sa matag higayon nga mabombahan ang mga sakop sa sundalo nga anaa sa West Philippine Sea.
