Gimanduan ni Presidente Ferdinand Marcos Jr. ang tanang hingtungdan nga ahensya sa gobyerno sa paghimo og tukma nga mga lakang aron masiguro ang kaluwasan ug hapsay nga pagpauli sa mga trabahanteng Pilipino nga gustong mopahimulos sa boluntaryong repatriation program sa gobyerno.
Ingon man nga karon, anaa na sa amman Jordan ang mga Pinoy nga gikan sa Israel ug ibalik sa Pilipinas o kadtong nipadayag sa ilang intensyon nga mobalik sa nasud.
Diin gawas sa pagsiguro sa kaayohan ug kaluwasan sa mga Pinoy nga natinguha nga akauli kay gipasalig usab niini ang mga tabang nga ihatag ngadto sa mga nagpabilin sama sa temporaryong kapuy-an, pagkaon, ug tabang pinansyal.
Gipaambit usab sa gobyerno sa Pilipinas nga adunay giandam nga 150 mil pesos nga financial assistance, transportation and accommodation support, medical assistance, ug livelihood assistance alang sa mga nihangop sa repatriation program.
Sa samang higayon, giawhag sa Malacañang ang mga Filipino sa Iran ug Israel nga mokontak sa embahada ug konsulado sa Pilipinas sa ilang nahimutangan aron mahibaw-an ang ilang kahimtang ug madeterminar kung unsa nga tabang ang ilang gitinguha o mahatag sa gobyerno.
