Mokanaog sa Sugbo si President Ferdinand Marcos, Jr. gikan sa kaulohan alang sa pagsalmot sa upat ka mga kalihokan karong adlawa, Enero 30, 2025 nga ipahigayon diri sa dakbayan sa Sugbo.
Diin una niini nga tambungan ang pakigtagbo sa mga miyembro sa Central Visayas Regional Development Council aron hisgutan ang pag-uswag sa mga nag-unang proyekto sa rehiyon.
Sunod niini, ang 20th National Convention of Lawyers mao ang opisyal nga organisasyon sa tanang abogado sa nasud, gikan sa pribado ug government sectors.
Diin nagtumong sa pagpundok sa mga legal nga propesyonal gikan sa tibuok nasud aron sa pagsaulog sa mga kalampusan sa propesyon samtang nagtubag sa mga hagit ug mga oportunidad.
Uban sa tema nga ‘From Milestones to Horizons: Strengthening the Future of the Legal Profession,’ kini nga kalihokan magsilbi nga plataporma alang sa kolaborasyon, pagpaambit sa kahibalo ug propesyonal nga kalamboan.
Samtang, ang ikatulo map ang Luncheon ug ang meet-and-greet sa mga local government officials sa Cebu ug sa mga probinsya sa Visayas nga nagtumong sa pagpakita sa hiniusang suporta alang sa Presidente ug sa iyang administrasyon.
Ug ang ikaupat nga tambungan sa Presidente ang inaugurasyon sa Mactan-Cebu International Airport Alternate Runway nga nagtumong sa pagtubag sa nagkalapad nga air traffic demand ug aron masiguro nga hapsay ang operasyon samtang nagpadayon ang pagtaas sa gidaghanon sa mga pasahero ug kargamento.
