Gipangulohan ni Presidente Ferdinand R. Marcos Jr., isip Commander-in-Chief sa Armed Forces of the Philippines (AFP), ang pagpanumpa sa mga bag-ong na-promote nga Heneral ug Flag Officers sa AFP, lakip ang mga graduate sa Foreign Pre-Commissioned Training Institutions (FPCTI), sa usa ka ceremonial program nga gipahigayon sa Palasyo sa Malacañang, gahapon Miyerkules.
Atol sa seremonya, gipasalamatan sa Presidente ang mga opisyal sa ilang dedikasyon ug halangdong pag-alagad sa nasud, ilabi na sa pagpanalipod sa soberanya ug pagmintinar sa kalinaw ug kahusay sa tibuok nasud.
Gidasig usab ni Presidente Marcos ang mga bag-ong opisyal nga ipadayon ang propesyonalismo, disiplina, ug integridad sa pagdumala ug pagserbisyo.
Samtang gisaad sa administrasyon ang padayon nga suporta sa modernisasyon ug kaayohan sa Armed Forces of the Philippines.
Ang maong kalihukan usa ka timailhan sa padayon nga pagpalig-on sa liderato sa AFP ug sa lig-on nga panag-uban sa gobyerno ug sa sektor sa depensa alang sa seguridad sa nasud.
