Pakyas ug pagkalangan ang nakita ni Presidente Ferdinand Marcos Jr., sa flood control projects nga mas nakapasamot sa pagbaha sa Iloilo City.
Mao kini ang gipaambit sa pangulo atol sa iyang pagbisita sa Flood Mitigation Project sa Iloilo City, Sections 9 ug 10, sa Barangay San Isidro, Jaro.
Diin tumong niini sa pagbisita kay aron masiguro nga mas luwas ang mga komunidad batok sa pagbaha.
Ingon man nga dungan sa iyang pagsusi sa flood control project kay ang panawagan sa Department of Public Works and Highways ug local government units sa pagsiguro sa lig-on, kasaligan, ug tukma nga mga proyekto sa pagpugong sa baha.
Gimandoan usab ni PBBM ang DEPDev nga ipadayon ang pag-audit ug pagrepaso sa performance, ug patubagon sa balaod ang mga responsable sa pagsalikway ug korapsyon aron masiguro nga ang katawhan makabenepisyo sa pundo sa publiko.
