Nihimo og saad si Presidente Ferdinand R. Marcos Jr. misaad nga mohatag sa iyang hingpit nga suporta sa mga atleta nga Pinoy sa iyang opisyal nga pagbukas sa 65th Palarong Pambansa sa Ferdinand E. Marcos Sr. Memorial Stadium sa Laoag City, Ilocos Norte gahapon sa gabii, Mayo 24, 2025.
Dugang sa iyang nahimong pamahayag, nanawagan usab siya sa mga grade school ug secondary student-athletes nga ihatag ang ilang pinakamaayo atoll sa kompetisyon.
Gawas niana, natataw usab sa presidente nga ang gobyerno anaa ra pirme nga mo suporta, motabang, ug makig-alayon sa mga lungtaran sa mga atleta.
Matod ni Marcos nga daog o pildi, giisip na sila nga mga kampiyon tungod sa ilang impresibong kahanas sa sports ug dedikasyon nga modaog sa kompetisyon.
Gitambagan sila sa Presidente nga ampingan ang ilang panglawas ug ipadayon ang paggukod sa ilang mga pangandoy hangtod nga magmalampuson.
Matod niya nga sa umaabot, ang uban kanila mahimong representante sa nasud sa mga internasyonal nga kompetisyon.
Ang Palarong Pambansa karong tuiga adunay 24 ka regular nga sports, lakip ang athletics, basketball, volleyball, gymnastics, taekwondo ug swimming.
Ang weightlifting ipaila isip usa ka demonstration sport, samtang ang kickboxing, girls’ football ug girls’ futsal ipahigayon isip exhibition events.
Usa ka espesyal nga kategorya alang sa mga atleta nga adunay mga kakulangan nagpasiugda usab sa mga panghitabo sa para-athletics, para-swimming, bocce ug goalball.
Dugang niana, mokabat sa 15,000 ka delegado gikan sa 20 ka athletic associations, lakip ang 18 ka rehiyon sa nasod, ang National Academy of Sports ug Philippine Overseas Schools, ang mosalmot gikan sa Mayo 25 hangtod 30.
Subay sa nahisgutang kalihoka, ang tema mao ang “Nagkakaisang Kapuluan” (United Archipelago), the annual national scholastic competition aims to promote physical education, discover emerging athletic talent, and foster camaraderie and national pride among student-athletes from diverse backgrounds.(Bombo Irene Ardiente)
