Gipahibalo ni Pang. Ferdinand MARcos Jr., nga ang pagpalig-on sa Pilipinas sa kapabilidad sa militar mao ang pagpanalipod sa nasud batok sa bisan unsang agresyon gikan sa ubang mga nasud.
Kini ang gipahibalo sa Presidente sa Shangri-La Dialogue sa Singapore atubangan sa mga lider ug mga ministro sa depensa sa nagkalain-laing nasud sa kalibutan.
Matud ni Pang Marcos nga ang Pilipinas anaa karon sa proseso sa pagpangita og mga suppliers alang sa modernization program Horizon 3 sa Armed Forces of the Philippines (AFP).
Dugang pa,nga kining lakang sa Pilipinas maghatag sa nasod og maayong postura sa depensa ubos sa Unilateral Defense Plan.
Gihatagan og gibug-aton sa Presidente nga ang target sa iyang administrasyon sa dili pa mokanaog sa katungdanan mao ang pagpalig-on sa depensa sa nasud tungod kay ang territorial defense responsibilidad sa gobyerno.
Gipasalig usab sa Presidente nga dili niya tugotan nga madisgrasya ang mga sundalo o mga personahe sa coast guard busa mas mokusog pa ang presensya sa West Phl Sea.
