Naghisgot sa mahinungdanong mga bahin sa kooperasyon sila si Presidente Ferdinand R. Marcos Jr. ug Japan Prime Minister Ishiba Shigeru atol sa bilateral meeting lakip na ang mga butang sa diplomatiko, politikal, seguridad, ug depensa.
Busa gilauman ang mas lig-on nga relasyon tali sa PH ug Japan alang sa kalinaw, seguridad, ug kalamboan.
Miabot si Japanese Prime Minister Ishiba Shigeru sa Malacañang Palace alang sa iyang duha ka adlaw nga opisyal nga pagbisita.
Diin giabi-abi kini sa Presidente ug ni First Lady Liza Marcos uban sa asawa ni Shigeru nga si Yoshiko Ishiba.
Gihatagan usab og arrival honors si Ishiba, nga gipahigayon sa Kalayaan Hall tungod sa dili maayong panahon.
Usa-usa usab nga gipaila-ila ni Presidente Marcos ngadto kang Prime Minister Ishiba ang iyang mga cabinet secretaries nga naglakip nila ni ES Lucas Bersamin, Finance Secretary Ralph Recto, PCO Secretary Jay Ruiz, DOT Sec Maria Christina Frasco, DENR Sec Maria Theresa Yulo Loyzaga, NSC Sec Eduardo Año, DPWH Sec. Manuel Bonoan, DFA Sec. Enrique Manalo, Dotr Sec Vince Dizon ug NEDA Sec. Arsenio Balisacan.
Kini ang unang opisyal nga pagbisita ni Ishiba sa Pilipinas human milingkod sa katungdanan niadtong Oktubre 2024
