Nakadawat ang Philippine Coast Guard og uncrewed surface vessel (USV) gikan sa Global Maritime Crime Program sa United Nations Office on Drugs and Crime (UNODC).
Tungod niini, ang PCG mao ang unang maritime security organization sa Southeast Asia (SEA) nga nakadawat og unmanned surface vessel nga makahimo sa pagkolekta og data gikan sa kahanginan ug kadagatan.
Basi usab sa US National Oceanic and Atmospheric Administration, ang USV mahimong maprograma o kontrolahon sa mga operators sa dagat aron makahimo og mga pre-planned missions.
Gani bag-o lang nahuman ang harbor acceptance test ug sea acceptance trial sa USV sa Subic, Zambales.
Usa ka USV turnover ceremony ang gikatakdang ipahigayon sa PCG headquarters sa Manila apan nakanselar kini tungod sa conflict sa schedule.
Sa pagkakaron, ang unmanned surface vessel anaa sa PCG headquarters.
