Gitabangan sa mga medical personnel sa Philippine Coast Guard ang usa ka tripulante nga Chinese kansang wala nga kumagko aksidenteng naputol sa fan blade o metal samtang naglawig sa 20.69 nautical miles kasadpan sa Semirara Port, Caluya, Antique, , Hulyo 4, 2024.
Ang 35-anyos nga Chinese crew mao’y ikaduhang engineer sa Hongkong-flagged bulk carrier MV BBG Qinzhou.
Diin ang ilang barko gikan pa ssa Nansha, China ug paingon sa Tanjung Bara, Indonesia dihang nahitabo ang insidente.
Gipakatap sa PCG ang BRP Kalanggaman sa nahimutangan sa Chinese vessel nga 1.5 nautical miles gikan sa Nogas island, Anini-y sa Antique.
Gihatagan og first aid sa 4 ka mga medical personnel sa PCG ang langyaw paingon sa Muelle Loney Wharf sa siyudad sa Iloilo, ug gi-turn over sa barko sa mga tripulante sa China nga midala kaniya sa pinakaduol nga tambalanan alang sa dugang medikal nga pagtagad.
