Gisuportahan sa Philippine Coast Guard ang mga panawagan sa pagpalagpot sa bisan kinsa nga opisyal nga makalapas sa mga balaod sa Republika sa Pilipinas.
Kini may kalambigitan gihapon sa bag-o lang nga deklarasyon nila ni Department of National Defense Secretary Gilberto Teodoro Jr., ug National Security Council Secretary Eduardo Ano, nga kinahanglang manubag ug papahawaon ang bisan kinsang Chinese diplomats nga nalambigit sa isyu sa wiretapping kalabot sa bag-ong model agreement nga gipatim-aw sa China sa Ayungin shoal.
Matod sa tigpamaba sa PCG sa West Philippine Sea Commo. Jay Tarriela, kauban kini sa mga mi-uyon sa rekomendasyon ug panawagan ni Sec. Teodoro ug Sec. Ano.
Kung gani mapamatud-an nga adunay opisyal nga nakalapas ug wala motahod sa balaod sa Republika sa Pilipinas, angayan lang kini nga silotan og tukma.
