Cebu City– Giisip ni Philippine Drug Enforcemnet Agency (PDEA)-7 Director Yogi Felimon Ruiz nga usa ka hagit ang paghinglan ni Presidente Rodrigo Duterte sa Sugbo isip hotspot sa illegal nga drogas. Giuyunan usab ni Ruiz ang maong pamahayag sa Presidente giangkon niini nga aduna gayud problema sa ginadiling drogas dilim lamang sa Sugbo apan apil nna ang tibuok Central Visayas.
Matud ni Ruiz nga ila ng gidawat ang maong prob lema hinungdan nga subsub ang ilang gipahigayon nga operasyon aron sa paggukod sa mga tawo nga nagduwa ug nagpaluyo sa pagpamaligya sa illegal nga drogas. Gibutyag pa niini nga mas gitutukan nila karon ang mga high value targets diin bisag pipila lang ang ilang masikop apan igo na nga makabalda sa operasyon sa mga nagpaluyo niini. Gihimug-atan usab niini nga ,insakto ang direksyon ang ilang gisubay diin napun-an pa og 40 ka mga baranggay ang 120 ka una ng gideklarang drug cleared barangay sa Sugbo. Suma pa ni Ruiz nga ilang tumong mao ang ipakita sa mga nagpaluyo niining illegal nga drogas nga dili sila undangan sa PDEA hangtud nga dili sila masikop ug sa ingon mawad-an na usab sila og gana sa pagpadayon sa ilang illegal nga negosyo . Samtang, muabot na sa 60 porsyento ang nakuha sa PDEA-7 sa mga pangalan nga anaa sa listahan nga gihatag kanila ni Presidente Rodrigo Duterte.
Matud ni Ruiz nga ang mga wala pa nila makuha mao kining mga dagko nga mga personalidad nga nalambigit sa ginadiling drogas. Gibutyag niini nga sa pagkakaron padayon silang nangita og lig-on nga ebedensya kalabot sa mga tawo nga anaa sa ilang listahan. Gitataw niini dili ingon nga ang tanang tawo sa listahan ang kumpirmado na gayud nga nalambigit sa ginadiling drogas.
Giangkon ni Ruiz nga dako usab ang posibilidad nga masagulan og pamulitika ang mga pangalan nga gihatag kanila diin posible nga ang uban tumo tumo lamang ug ila rang kaatbang sa pulitika maoy nisumbong kanila. Tungud niini, matud ni Ruiz nga maampingon sila sa pagpangita ug ebedensya diin matud pa nga gikinahanglan nga lig-on gayud kini aron dili masangit sa korte ug dili masayang ang ilang hinagu-an.
Subay niini , giawhag ni Ruiz ang katong mga tawo nga nalakip ang ilang pangalan sa listahan nga mupatim-aw sa buhatan sa PDEA aron nga mahimu-an og aksyon ang pasangil batok kanila.
Una ng gibutyag ni Ruiz nga adunay silay gi monitor nga 19 ka mga bigtime drug personalities sa Central Visayas.
