CEBU – Tungod sa kadaghan sa mga party ug mga panagtapok nga gihimo atol sa holiday sa Pasko, ang mga tinugyanan sa balaod sa Sugbu nagpaabot usab sa pagdagsang sa party drugs sa mga party venues.
Matud pa ni Leia Alcantara, ang tigpamaba sa Philippine Drug Enforcement Agency sa Central Visayas (PDEA-7), nga tungod kay gilibkas na ang quarantine restrictions ug gitugotan na usab nga mopahigayon og Christmas gatherings, dili layo ang pag-apod-apod sa party drugs sa mga event venues.
Tungod niini,ang mga ahente sa PDEA-7 naningkamot karon sa pagpakusog sa ilang monitoring sa paglabay sa party drugs sa Sugbo ug sa tibuok Central Visayas.
Dugang pa, nagpadayon sila sa ilang mga paningkamot sa pagpugong sa lainlaing mga pantalan ug mga terminal sa pasahero sa rehiyon.
