CEBU CITY — Nag-abiso ang Philippine Drug and Enforcement Agency (PDEA-7) sa mga publiko nga magbinantayun karon.
Subay kini sa bag-ong modus operandi sa mga robbery gang kinsa nigamit sa pangalan sa Ahenysa ug niangkon nga PDEA Agents.
Kini ang gibutyag ni PDEA-7 Regional Director Levi Ortiz atul sa pakighinabi sa Bombo News Team.
Matud pa ni Ortiz, na-alerto kini sa naasoy nga modus human usa ka pamilya ang midanggop sa ilang buhaton sayu sa buntag kagahapon.
Nireklamo kini nga usa ka nagpa-ilang PDEA agents ang ning sulod ug nang raid sa panimalay sa usa sa ilang paryente.
Gipangkuha ang mga importante butang ug daling nibiya.
Gihimug-atan ni Ortiz nga kung duda sa usa ka indibidwal nga nagpailang ilang ahente ug nagpahigayun og Anti-illegal drug operation kay mangayo og ID ug Badge.
Mamahimo usab mangutana kung aduna kini’y kuyog nga usa ka representante sa media ug usa ka elected official o taga-barangay.
Giklaro ni Ortiz nga pinasikad sa RA 9165, gikinahanglan og witness gikan sa media o mga elected officials ang ipahigayun nga PDEA anti-illegal drug operation apil na ang inventory sa mga nasakmit nga ebidensya.
Dugang pa sa Regional Director nga mamahimong mosumbong sa labing duol nga police station o modangop sa ilang buhatan ug motawag PDEA RO VII sa 0922 689 3786. /EKP
