CEBU – Gisiguro sa PDEA 7 nga magpadayon ang ilahang operasyon subay sa anti-illegal drug campaign, bisan pa man sa naghinangat nga ‘transition’ sa musunod nga mga buwan.
Matud ni Leah Alcantara, ang tigpamaba sa PDEA 7, nga hangtud nga adunay mugamit, adunay mamaligya ug iligal nga drogas, giingong magpadayon ang ilahang mga operasyon batok niini.
Isip lead agency, gitino niini nga adunay mga operasyon ang PNP ug NBI nga adunay koordinasyon usab sa ilahang ahensya, ug kini magpadayon bisan pa man nga aduna na’y lain nga presidente ang Pilipinas.
Samtang, gidepensahan usab niini ang mga pagsaway sa ilahang pag-dismantle sa mga drug den.
Sigon ni Alcantara nga dili angayan nga ipagamay ang maong mga operasyon gumikan kay aduna kini dakong ‘impact’ sa komunidad.
Gituohan sa PDEA nga ang mga drug den ang tinubdan sa pagsugod sa mga kriminalidad ug ‘violence’, hayan, angayan lang kini nga ipang-dismantle.
