PDEA7 gitutokan ang transakyon sa ilegal nga drugas nga gigamat ang mga menor

CEBU – Gitutokan karun sa Philippine Drug Enforcement Agency (PDEA) 7 ang transaksyon sa iligal nga drogas kung diin gigamit ang mga menor de edad.

Gibutyag ni Leah Albiar-Alcantara, ang tigpamaba sa PDEA 7, nga sagad sa mga bata nga madakpan sa ilahang mga anti-drug operations kay mu-angkon nga gigamit sila sa ilahang ginikanan sa iligal nga transaksyon bisan pa man nga supak sa ilahang kabubut-on.

Matud pa, ‘vulnerable’ gayud karun ang menor de edad sa transaksyon sa iligal nga drogas ug sila na karun ang gipang-gamit sa mga hamtong sa iligal nga kalihokan.

Subay niini, gisiguro ni Alcantara nga ilaha karun kining gipanghingusgan, ilabi na kini usa ka ‘urgent issue’ nga dili angayang piyongan sa mga otoridad.