Nipadayag ang Partido Demokratiko Pilipino Lakas ng Bayan o PDP Laban sa ilang dakong kasuko ug pagkondenar sa gidali nga pag-impeach sa House of Representatives kang Bise Presidente Sara Duterte, kinsa nakadawat og 32.2 milyones nga boto sa 2022 nga eleksyon, nga naghimo kaniya nga ‘most-voted candidate’ sa kasaysayan sa Pilipinas.
Sa usa ka pahayag, ang partido nga gipangulohan sa amahan ni VP Sara, nga si kanhi Presidente Rodrigo Duterte, miingon nga kini usa ka dayag nga pagpakita sa hugaw nga politika, pagtamay sa soberanong kabubut-on sa katawhang Pilipino, ug usa ka dayag nga pag-abuso sa gahum.
Matod niya klarong gidali ang impeachment batok sa Bise Presidente, nga gihimo sa mga desperado nga sakop sa Ubos Balay Balauranan sa Kongreso aron mapalayo ang atensyon sa nagkagrabeng sitwasyon sa nasud.
Aron usab gub-on ang kahigayonan sa ikaduhang Presidente nga modagan sa mas taas nga posisyon sa 2028 nga eleksyon.
Gihisgutan usab sa partido nga mismo si Presidente Ferdinand Marcos Jr. sa Kamara nga hunongon ang impeachment complaint inay sulbaron ang mga problema nga giatubang sa mga ordinaryong Pilipino.
Busa nganong dili na lang sulbaron ang nagkadakong ‘discontent’ ug ‘frustration’ sa nasud nga resulta sa nagkagrabeng peace and order, graft and corruption, ug kakabos.
Samtang, nagtuo usab si Atty. Harry Roque nga ang impeachment batok kang VP Duterte dili mahinayon karong tuiga.
Kay matud niini nga dili mamahimo nga buhion ang impeachment complaint kung dili makadesisyon ang 19th congress senators sa Hunyo 30 gumikan lain na usab ang mga senadors pag-abot sa 20th Congress.
