TALISAY CITY, CEBU – Gibutyag ni April Mae Gamboa, ang assistant election officer sa Talisay City Comelec, nga gitambongan ang maong kalihokan sa mga sakop sa kapulisan, kasundalohan ug mga nagkadaiyang religious sector.
Pagkahuman sa maong kalihokan, gisunod gilayon ang peace covenant signing kung diin gitambongan kini sa grupo ni Talisay City Mayor Samsam Gullas ug Vice Mayor Alan Bucao, diin susamang magpapili karung umaabot nga pinili-ay.
Matud ni Gamboa nga kini matawag nga usa ka ‘commitment’ sa matag grupo nga walay mahitabong kagubot ug limpyo lang ang ilahang mga ipahigayon nga kampanya sugod karung Marso 25.
Nanghinaut kini nga barugan sa duha ka grupo ang ilahang gipirmahan alang sa Secure, Accurate, Free and Fair Election (S.A.F.E) 2022.
