CEBU CITY-Mapasigarbuhon nga gipaambit ni Police Col. Ireneo Dalogdog, ang City Director sa Cebu City Police Office nga gikan sa opening ceremony sa Palarong Pambansa 2024 niadtung Hulyo 9, hangtud ning adlawa Hulyo 15,2024 o usa ka adlaw sa dili paman ang closing ceremony sa National event, nagmalinawon ang kalihukan.
Sa pakighinabi sa Bombo Radyo Cebu kang Police Col. Dalogdog, gipaambit niini nga ‘peaceful ug manageable’ ang sitwasyon, gawas sa kawat nga nahitabo sa usa ka Unibersidad sa Sugbo, nga nahatagan dayun ug tukmang aksyon.
Dugang pa sa Opisyal, nga adunay mga Crime-Incident nga nahitabo sa Dakbayan sa Sugbo, apan wala kini kalabutan sa nagpadayung Palarong Pambansa 2024.
Nagpasalamat usab ng Opisyal sa ilang mga partner agencies ug katawhan sa Dakbayan sa Sugbo, nga nisusi ug ni-abag sa pagsiguro sa seguridad sa mga Playing venues ug Billeting sa National Sporting event.
Sa pikas bahin, subay sa Closing Ceremony sa Palarong Pambansa 2024, gipahibalo ni Dalogdog nga adunay ‘adjustment’ ang kapulisan isip pagpangandam sa gipaabot nga presensiya ni Vice President ug outgoing Education Secretary Sara Duterte, kung diinhugot nga mga lakang sa seguridad ang ipatuman atol sa closing ceremony, nga pangunahan sa Vice Presidential Security Group.
Kung kahinumduman nga si Sara Duterte, wala mutunga sa opening ceremony sa Palarong Pambansa niadtong Hulyo 9, hinungdan nga gipaabot nga motambong sa closing ceremony sa maong kalihukan karong Hulyo 16 o ugmang adlawa.
Nipadayag usab ang Department of Education (DepEd) og pagkamalaumon human sa ocular inspection nga gihimo sa protocol officer ni Duterte sa Cebu City Sports Complex (CCSC) niadtong weekend.
