Cebu City- Mipagawas sa iyahang kasagmuyo si Pearl Ungab , ang asawa sa napatay nga abogado ni Kerwin Espinosa ng si Atty Jonnah John Ungab.
Matud ni Pearl nga sa adlaw nga gibanhigan sila sa iyahang bana sa wa pa mailhing mamumuno, matud niini nga wala gyuy nitabang kanila. Suma niini nga dali tuod nga mipundok ang tawo duol sa ilang nahimutangan wala gyuy mitabang kaniya bisan pa ug nangayo na kini ug tabang.
Matud pa niini nga giuna pa sa mga tawo ang pagkuha ug mhulagway ug video inay nga tabangan siya diin niadtong higayuna iyahang gitabang ang bana nga adunay samad pinusila sa iyahang ulo. Sigon pa sa asawa ni Ungab nga gitinguhaan unta niya nga e drive ang sakyanan nga ilang gisakyan aron madala sa duol nga tambalanan ang iyahang bana apan dili sa sila ka gawas sa lugar sanglit daghan ng sakyanan nga niali sa agi-anan lakip na ang van nga ilahang nabanggaan.
Sa pagkakaron, hustisya gayud ang gipangyo sa pamilya Ungab alang sa ilang himata nga gipatay gumikan lamang sa iyahang pagpaningkamot nga mahatagan ug hustisya usab ang iyahang kliyente. Nanawagan usab ang pamilyang Ungab sa mga posibleng naka witness sa panghitabo nga makig-alayon sa NBI ug sa Task force Ungab nga maoy nagpahigayon karon sa imbestigasyon sa kaso.
Samtang gikatakda nga dal-on sa lungsod sa Ronda ang patayang lawas ni Atty Ungab sa Sabado, Pebrero 24 ug sa Pebrero 25 usab ang petsa sa lubong niini sa sementeryo sa Ronda.
–
