CEBU CITY — Gihulagway sa usa ka Sugbuanong sports analyst nga usa ka “cause of concern” ang performance sa pambansang kamao nga si Sen. Manny Pacquiao atol sa iyang sangka batok ni Keith Thurman.
Matud ni Edmund Navarro nga nindot gihapon ang performance ni Pacquiao bisan pa man sa iyang pangidaron nga 40 anyos.
Nakahimo usab, matud pa, og diskarte si Pacman aron malukapa ang iyang kaabtang pinaagi sa pagsulod ni Thurman kaniya.
Mao kini ang nabantayan ni Navarro aron makasukmag pag-ayo ang fighting senator.
Samtang nakita usab sa sports analyst nga lig-on usab si Thurman bisan pa man og nalukapa kini ni Pacman.
Apan nabantayan niya nga sa kinatibuk-ang sangka, adunay mga kalahian diin mibida si Pacman sa unang unom ka rounds samtang mibida usab si Thurman sa second-half.
Misugyot usab si Navarro nga kung dili makakita og bag-ong kontra ang Pambansang Kamao nga kaya sa iyang pangidaron, posible kining mosangput sa pagretiro sa boxing career.
