CEBU CITY– Duna nay 6 ka mga person of interest ang gihuptan karon sa Pinamungahan, Cebu PNP kalabot sa pagkamatay sa 14 anyos nga si Justine Andayop kinsang napalgang patay sa kalibunan sa Brgy. Guimbawian, giluglog ang liog ug gikuhaan pa og ubol-ubol.
Kini ang gikompirmar ni Police Major Felicisimo Aranas Jr. kung diin mitagana usab ang 6 ka tao ug intrigar sa ilang mga specimen para ipaubos sa test sa kaulohan.
Kini human usab nga dunay na-retrieve nga specimen sa lawas sa biktima ug mao kini karon ang ilang gipaabot— ang resulta kung mu-match ba ang mga specimen nga gikan sa 6 ka mga person og interest.
Una na usab nga gitudlo sa kabanay sa biktima nga silinga nila ang posibling mihimo sa krimen tungod kay kanunay kining mulabay sa ilang pinuy-anan ug manglili.
Duna usab nakuha ang kapulisan nga t-shirt nga dunay lama sa dugo kansang gitoohan nga gipanag-iya sa ilang silingan.
Apan gitino ni Aranas nga dili pa gihapon sila makakompirmar hangtud nga wala pay migawas nga test result
