CEBU CITY – Nakit-an sa mga sakop sa Mandaue City Police Office (MCPO) ang person of interest sa pagpatay sa 17 anyos human gidunggab sa Brgy. Basak, sa dakbayan sa Mandaue.
Base sa imbestigasyon sa kapulisan, mitambong ang biktima nga si Jovel Bug-ot kauban ang iyang mga kagrupo aron makig-settle sa laing grupo.
Apan misangput ang pagpakig-settle sa usa ka “gang war” hinungdan nga miresulta sa hinanaling kamatayon ni Bug-ot human nakahiagum og mga samad-dinunggaban sa nagkalain-laing bahin sa iyang lawas.
Narekober sa kapulisan ang butcher knife gikan sa crime scene.
Gihulagway sa inahan ni Jovel nga si Emily Bug-ot nga sama sa giihaw nga baboy ang daling kamatayon ni Jovel.
Hinuon nagduda si Emily nga ang amahan sa usa ka gang member maoy midunggab ngadto ni Jovel.
