Cebu City- Gimando ni Police Chief Supt. Robert Quenery , ang regional Director sa Police Regional Office 7 ang pagrelibo sa tanang personnel sa Pari-an Police Station subay na sa pagkasikop ni PO3 Richie Camporendondo kinsang giingong nangilkil ug kwarta sa pamilya sa ilahang nasikop.
Matud ni Quenery nga ang tanang pulis sa Parian Police Station ang ipaubos sa training sulod sa 15 ka adlaw kauban usab ang ilang hepe nga si Police Chief Inpector Ramoncillio Sawan .
Gibutyag usab niini nga gawas sa kasong robbery extortion posibole usab nga mag atubang ug kasong iligal detention ang si Camporendendo human nasuta nga wala nila gidala dayon sa police station ang ilahang dinakpan.
Gawas sa suspek nga pulis , gipangita usab ang 2 pa ka mga laing pulis nga giingong kuyug niini sa maong operasyon ug ang usa ka tanod. Samtang ganihang buntag dali nga gi meeting ni Quenery ang tanang hepe sa kapulisan sa CPPO kauban si CPPO Director Joel Doria diin mipabuhagay kini sa iyahang kasagmuyo sa mga pulis nga nalambigit sa mga iligal nga buhat.
Matud ni Quenery nga dili lamang kini ang unang higayon nga dunay pulis nga nalambigit sa kontrobersiya.
Nasayran nga karong buwan lamang dunay police sa Carbon Police Station ang nasakpan nga nagsuyup diin girelibu usab sa pwesto ang hepe niini nga si Police Chief Inspector Jacinto Mandal Jr, samtang duna usab mga sakop sa Police Station 4 ang nalambigit sa kagubot didto sa lungsod sa Consolacion nga hangtud karon under-investigation lang gihapon.
