Petecio, sulod na sa semifinals sa 57 kgs. women’s boxing sa Paris Olympics

PARIS OLYMPICS-Nakasulod sa semifinals round ang Pinay nga boksidor nga si Nesthy Petecio human gipildi si Zichun Xu sa China sa quarterfinals sa women’s 57 kgs. boxing sa 2024 Paris Olympics.

Gikan sa sinugdanan hangtod sa katapusan, agresibo ang Pinay nga boksidor ug nakuha ang unanimous decision nga kadaugan.

Misuway og gukod ang Chinese boxer sa kataposang round apan lig-on ang depensa ni Petecio.

Gumikan niini, segurado na ang medalya ni Petecio ug usa lang ka daog alang sa gold medal round diin aduna siya’y kahigayonan nga malabwan ang iyang silver medal sa Tokyo Olympics tulo ka tuig na ang nakalabay.