Nagpadayon ang mga operasyon sa humanitarian assistance ug disaster response (HADR) sa Philippine Army ug Philippine Air Force alang sa mga komunidad nga naapektuhan sa magnitude 7.8 nga linog sa Mindanao.
Gihawan sa mga disaster response team sa Philippine Army ang mga nabara nga dalan aron mabalik ang agianan paingon sa mga hilit nga dapit.
Nagpahigayon usab sila og search and rescue operations ug nag-apod-apod og limpyo nga tubig nga mainom sa Dakbayan sa Heneral Santos ug uban pang apektadong komunidad.
Samtang, ang Philippine Air Force (PAF) naghatod og 1,000 ka “ChariTimba” relief packs gikan sa Philippine Charity Sweepstakes Office (PCSO), kauban ang 480 ka family food packs gikan sa DSWD, ug 450 ka pakete sa bottled water ngadto sa mga apektadong lugar sa Davao Occidental ug Davao Oriental.
Gawas niini, nagpahigayon usab og medical evacuation ang PAF alang sa mga residente sa Sarangani nga nanginahanglan og dinalian nga pag-atiman, isip kabahin sa nagpadayon nga disaster relief ug humanitarian operations sa militar.
