Giklaro ni Presidente Ferdinand R. Marcos Jr. nga dili gihapon mokooperar ang Pilipinas sa International Criminal Court (ICC), kon ang ICC mohimo og imbestigasyon sa giingong paglapas sa tawhanong katungod ubos sa War on Drugs of Duterte Administration.
Mihimo ang presidente sa maong pamahayag sa dihang gipangutana kon mobalik ba ang Pilipinas sa pagka miyembro sa Rome Statute nga nagtukod sa International Criminal Court (ICC), nunot sa pamahayag sa Office of the Executive Secretary niadtong Nobyembre 13, 2024.
Matud pa sa OES, kung ipasa sa ICC ang proseso alang sa imbestigasyon sa gubat batok sa droga ngadto sa Interpol, mapugos ang mga awtoridad sa Pilipinas sa pagkooperar niini.
Pagklaro sa presidente, uban sa Interpol ang Pilipinas adunay responsibilidad ug dili sa ICC kini nagpasabot nga dili mokooperar ang gobyerno sa imbestigasyon sa ICC.
Apan, siya miingon nga dili babagan sa gobyerno ang imbestigasyon sa internasyonal nga korte.
Kini adunay kalabotan sa hagit ni kanhi Presidente Rodrigo Duterte sa ICC nga imbestigahon, matud ni Presidente Marcos, kini ang desisyon sa kanhi presidente, ug dili kini supakon sa gobyerno.
