Nagpagawas og opisyal nga pahibalo ang Philippine Embassy sa France ngadto sa tibuok komunidad sa mga Pilipino sa nasod mahitungod sa estrikto nga pagdili sa ilegal nga sugal ug sabong.
Gihimo sa embahada ang maong lakang human gipaalerto sa mga lokal nga awtoridad sa Pransya bahin sa nagpadayon nga ilegal nga mga kalihokan nga gisalmutan sa pipila ka mga Pilipino, uban usab sa mga reklamo sa kagubot sa publiko ug dili husto nga paglabay sa basura atol niining mga panagtapok.
Sumala sa pahayag sa embahada, ang mga lokal nga awtoridad nakadawat usab ug mga reklamo bahin sa mga kagubot sa publiko ug dili husto nga paglabay sa basura nga nalangkit niining mga panagtapok.
Ang opisina nagpasidaan sa mga Pilipino sa Pransya nga ang ilegal nga sabong giisip nga usa ka matang sa animal cruelty, nga adunay silot nga hangtod sa tulo ka tuig nga pagkabilanggo ug multa nga 45,000 euro.
Tungod niini, ang embahada na usab nga nag-awhag sa tanang mga Pilipino nga respetuhon ug sundon ang mga balaod sa France aron malikayan ang legal nga kagubot ug mapadayon ang maayong reputasyon sa mga Pilipino sa gawas sa nasud.
