Giawhag sa Philippine Embassy sa Seoul, South Korea ang mga undocumented Filipinos nga anaa sa maong nasud nga pahimulos ang gipalugwayan nga voluntary departure program sa Ministry of Justice sa South Korea.
Diin ang paglugway sa programa alang sa boluntaryong pagbiya sa mga langyaw nunot sa nagkadaghang mga langyaw nga walay igong dokumento apan nagpabilin sa nasangpit nga nasod.
Sumala sa ahensya, ang mga dili dokumentado nga langyaw nga nagpuyo sa South Korea nga boluntaryong mobiya sa wala pa ang Enero 31, 2025 kay dili multahan.
Dili usab sila mabutang sa “black list” o listahan sa mga tawo nga gidid-an sa pagsulod sa South Korea sulod sa maong programa.
Busa, ang embahada niingon nga alang sa kaayohan ug kaluwasan sa mga walay igong dokumento, giawhag ang tanan sa pagsunod sa mga legal nga proseso aron dili mosangko sa dakong kasaypanan o mosangko sa pagpahamtang sa bisan unsang silot.
