Nag-finalize ang PH government og pipila ka mga mosyon aron hingpit nga i-freeze ang ubang mga kabtangan ni Zaldy Co, ang kanhi chairman sa House Appropriations Committee nga nalambigit sa giingong korapsyon sa mga proyekto sa imprastraktura sa publiko.
Sumala ni Department of the Interior and Local Government (DILG) Sec. Jonvic Remulla, samtang nagpadayon ang pagpangita sa kanhing magbabalaod aron hingpit nga madakpan ug madala siya balik sa nasud.
Lakip sa mga target nga i-isyu sa freeze order mao ang duha ka balay ni Co sa Forbes Park sa Makati City, ug apil usab ang Misibis Bay Resort, Midas Hotel, ug Casino, nga tanan konektado sa iyang kompanya nga Eco Leisure.
Subay niini, nagpabilin nga masaligon ang hepe sa DILG nga ang kanhing magbabalaod hingpit usab nga madakpan, labi na kay siya miingon nga ang pag-freeze sa iyang mga kabtangan ubos sa Civil Asset Forfeiture dako kaayo’g ikatabang.
Ang Anti-Money Laundering Council (AMLC) kaniadto nagsang-at og freeze order batok sa ubang dagkong mga propiedad sa Co.
Naglakip kini sa daghang mga air asset, kapin sa 3,500 ka mga bank account, gatusan ka mga sakyanan, mga polisiya sa insurance, ug uban pang mga asset nga adunay kinatibuk-ang kantidad nga P12 bilyon.
