Ikatulo ang Pilipinas sa mga nasud sa tibuok Asya nga nakasinati og ‘extraordinary’ nga init nga panahon nga may kalabutan sa climate change sa miaging 3 ka bulan o gikan sa Disyembre hangtod sa Pebrero.
Base sa report gikan sa Climate Central, nasuta nga ang nasud nakasinati og temperatura sa Climate Shift Index (CSI) level 2 o mas taas pa sulod sa 74 ka adlaw, nga posibleng tungod sa kausaban sa panahon.
Ang CSI usa ka sistema nga nagsukod sa epekto sa pagbag-o sa klima sa temperatura sa nasud kada adlaw. Ang mas taas nga lebel nagpasabut nga mas daghang epekto sa pagbag-o sa klima.
Samtang, ang panguna nga epekto sa pagbag-o sa klima nga gipahinabo sa tawo mao ang pagsunog sa karbon, lana, ug methane gas, nga kasagaran gikan sa mga rehiyon sa tibuuk kalibutan.
Base usab sa taho, kapin sa 45 milyones ka tawo sa tibuok kontinente ang na-expose sa 30 ka adlaw nga delikado nga init nga panahon tungod sa climate change.
Sa Pilipinas, dul-an sa 200,000 ka mga Pilipino ang na-expose gikan sa kinatibuk-ang populasyon nga 116 ka milyon.
Nag-una sa listahan sa mga nasud nga nakasinati sa labing talagsaon nga kainit mao ang Brunei Darussalam nga adunay 83 ka adlaw ug ang Maldives nga adunay 81 ka adlaw.
