Nakuha sa PH National Volleyball team nga Alas Pilipinas ang Silver Medal Finish 2025 AVC Women’s Nations Cup sa Dong Anh Arena sa Hanoi, Vietnam.
Kini human napakyas kining pildihon ang host country nga Vietnam sa finals game sa set scores nga 25-15, 25-17, 25-14 niadtong Sabado, Hunyo 14.
Sa maong championship game, napakyas ang Alas Pilipinas sa star power sa Vietnamese tandem nilang Bich Tuyen ug Tran Thi Thanh Thuy kinsa nakatala lang og 1 ka kapildihan sa tibuok torneyo.
Magtimaan kini sa ika-3 nga sunod-sunod nga kadaugan sa mga Vietnamese sa pagpanghawd sa duwa nga Volleyball sa rehiyon.
Apan ang maong kalampusan sa Alas Pilipinas kay magtimaan sa makasaysayanong higayon diin kini ang pinakaunang finals appearance sa nasud sulod sa 6 ka dekada sa women’s volleyball.
Ang Vietnam kay qualified na para muduwa sa 2026 Asian Championship tungod sa paglangkat sa gold medal sa torneyo nga nagsilbing early qualification niini.
